Жыл қорытындысы: Ақтөбеде ауыл шаруашылығы саласының қарқыны жоғары

Жыл қорытындысы: Ақтөбеде ауыл шаруашылығы саласының қарқыны жоғары

18 Желтоқсан 2024 28

Мемлекет басшысы Қасым-Жомарт Тоқаев Ауыл шаруашылығы еңбеккерлерінің бірінші форумында агроөнеркәсіп кешеніне жан-жақты қолдау көрсетіліп, ауыл шаруашылығының дамуына серпін беру керектігіне баса назар аударды.

Видео плейер

01:01
01:03

Бүгінгі күні Ақтөбе облысында ауыл шаруашылығын дамыту бағытында бірқатар жұмыс жүргізілуде.

Биыл ауыл шаруашылығы саласын қолдауға 15,5 млрд. теңге қаражат қарастырылған. Оның ішінде мал шаруашылығы – 5,9 млрд. тг., өсімдік шаруашылығы – 1,3 млрд. тг., инвестициялық салымдар – 2,7 млрд. тг., басқа бағыттар – 5,6 млрд. тг.

Көрсетілген мемлекеттік қолдаулардың нәтижесінде биылғы жылдың 11 айында 333млрд. теңгеге өнім өндірілді. Жіктеп көрсетсек,мал шаруашылығы – 174,8 млрд. тг., өсімдік шаруашылығы – 155,2 млрд. тг., орман және балық шаруашылығы – 3 млрд тг.

Сондай-ақ, «Ауыл аманаты» жобасы аясында 2 900-ден астам жоба мақұлданып, 15 млрд. теңгеге 2 706 жоба қаржыландырылды. Қалған өтінімдерге қатысты тиісті жұмыстар жүргізілуде.

Мал шаруашылығы саласында төрт түліктің өсімі орташа есеппен 110 процентті құрады (ірі қара – 119,6%, қой -100,0%, жылқы – 118,6%, түйе – 108,3%).

Өсімдік шаруашылығына қатысты, биылғыжылы 403 мың гектар дәнді дақылды алқаптан 559 мың тонна өнім алынды. Бұл көрсеткіш былтырғымен салыстырғанда 130 мың тоннаға артқан немесе 30%-ға өскен.

Ауыл шаруашылығы саласын бұдан әрі дамыту мақсатында, алдағы жылдарда (2024-2026 жж.) инвестиция көлемі 51 млрд. теңгені құрайтын 95 жобаны іске асыру жоспары тұр.

Оның ішінде 2024 жылы инвестиция көлемі 1,1 млрд. теңгені қамтитын 16 жоба жүзегеасырылды. Нақтырақ айтқанда, 9 жоба – мал шаруашылығында (репродуктор), 2 жоба – жылыжай суармалы жерлерін игеру, екеуі – қайта өңдеу саласында, екеуі – астық қоймаларын салу және балық шаруашылығын дамыту – 1 жоба.

Сонымен бірге, агроөнеркәсіп кешен субъектілерін несиелендіру бағдарламасы бойынша шамамен 32 млрд. теңгеге 10 жобаны жүзеге асыру көзделуде.