«Былтырғы тасқын еліміз үшін зор сынақ болды
«Былтырғы тасқын еліміз үшін зор сынақ болды. Мұндай алапат тасқын Қазақстанда бұрын болмаған. Мемлекет орасан зор қауіптің бетін қайтару үшін шұғыл шаралар қабылдады. Адамдар дер кезінде қауіпсіз жерге көшірілді, олардың уақытша паналайтын орындары әзірленді, материалдық резервті пайдалануға рұқсат берілді. Апаттан құтқару жұмыстарына Төтенше жағдайлар министрлігінің ғана емес, Ішкі істер және Қорғаныс министрліктерінің, Ұлттық ұланның және басқа да құрылымдардың қызметкерлері, жалпы саны 63 мыңға жуық адам жұмылдырылды. Соның арқасында көптеген азаматты құтқарып, аман сақтап қалдық. Ең бастысы – осы»-деді ҚР Президент Қ.Тоқаев «ANA TILI» газетіне берген «Мақсатым- экономиканы және тәуелсіздікті нығайту» атты сұхбатында.
Әрине,биылғы көктемдегі алапат су тасқыны ауданымызға да өз қиындығын әкелді.Көптеген тұрғын үйлер жарамсыз боп қалды,шаруашылықтар шығынға батты,жолдар бұзылды.
Ауданды шұғыл төтенше жағдайға байланысты комиссия құрылып,барлық зардап шеккен тұрғындардың шағымы қабылданды.
Мемлекеттің қолдауын халық көрді,үміт артты,сене білді.
Ауданымызда табиғи апаттан зардап шеккендердің барлығы баспаналы болды.Жаңадан үйлер салынып,қолданысқа берілсе,енді бір тобына үйлер сатып әперілді.Барлығы да күн суытқанша жайлы пәтерге кіріп алды,шығынға ұшыраған шаруаларға өтемақы төленді.
Бұл мемлекет басшысы атап өткендей береке- бірліктің арқасы,ҚР Конституциясында атап көрсеткендей халық-мемлекет байлығы екендігінің бір дәлелі.
Зоя Мекетайқызы
Әйтеке би ауданының құрметті азаматы
