ПАТРИОТТЫҚ БАЙБАЛАММЕН БАҒАЛАНБАЙДЫ

“-Әрбір азамат мемлекетшіл, отаншыл
болуы керек. Бүгінде патриотизм деген
сөздің сипаты, мазмұны өзгеріп жатыр.
Бұрын бұл ұғым негізінен дәстүрлі
құндылықтармен өлшенетін, тіл,
мәдениет, руханият мәселесі ұлттық
мүдденің өзегі ретінде саналатын. Әрине,
бұл дұрыс, әрқайсысы ұлт болмысының
арқауы. Оны бізден ешкім тартып
алмайды, оған алаңдауға еш негіз жоқ”, –
деді еліміздің Президенті Қазақстан халқына арнаған бүгінгі болып, өткен дәстүрлі жолдауында.
Қазір әлеуметтік желілерді қарап отырсақ, даулы жайлар көп жарияланады екен. Тіпті көшедегі қақтығыс, отбасындағы ойран да желі бетінде жылтыңдап тұрады. Бұдан жас буынға не тәрбие ұсына аламыз? Бұл ұлттық менталитетімізді ұсақтау, қазақы қалпымызды құлдырату, тал бесіктен алған тәрбиені тұйыққа тіреу. Сондай-ақ, ретсіз жерде ұлтқа, тілге бөлініп, дау шығару да жақсылыққа бастамайды. Ешкімді қорқытып, тіліңді үйрете алмайсың. Осы жағдай ел тыныштығын бұзушылар үшін ұтыс, арандатушылар үшін нақты нысанаОлар мемлекетте хаос болуын көксеушілердің қолшоқпарына айналып, өздері де құрбан боларын ойламайды.
Айқай-шу, көрінген жерде күш көрсету ел тыныштығын бұзады, халықты қатерге әкеледі.
Патриоттық-дұрыс тәліммен туындайтын елжандылық, ұлтжандылық, ұлтаралық татулықпен бірге келеді.
Даумен текетіреске түспесе, жақсылыққа жеткізбейтіінін ұққандар ғана елге жанашыр бола алады.
Сондықтан, байбаламнан патриоттық іздеу-қатерлі жолдың бастауы екенін ұғайық және басқасын лаа осы жолға шақырайық.

Әйтеке би аудандық білім бөлімінің басшысы С.Биртаева