Жолдау цифрлық трансформацияны жеделдету, экономиканы әртараптандыру және әлеуметтік әділеттілікті қамтамасыз ету сияқты маңызды бағыттарды қамтыды.

2025 жылғы 8 қыркүйекте Президент Қасым-Жомарт Тоқаев Қазақстан халқына арнаған Жолдауында еліміздің дамуындағы жаңа кезең — жасанды интеллект дәуіріне қадам басу қажеттігін атап өтті. Бұл Жолдау цифрлық трансформацияны жеделдету, экономиканы әртараптандыру және әлеуметтік әділеттілікті қамтамасыз ету сияқты маңызды бағыттарды қамтыды.
Мемлекет басшысы Жолдауда экономиканың барлық саласын жаңғырту үшін жасанды интеллектіні кеңінен енгізу қажеттігін атап өтті. Ол Үкіметке жасанды интеллект және цифрлық даму министрлігін құруды тапсырды. Бұл жаңа министрлік экономиканы цифрландыру және инновациялық технологияларды енгізу арқылы елдің бәсекеге қабілеттілігін арттыруға бағытталады.Сонымен қатар, көпті толғандыратын әлеуметтік әділеттілік және халықтың әл-ауқаты Жолдауда жан-жақты айтылды.Ең бастысы- әлеуметтік әділеттілікке ерекше назар аударылды. Президент ең төменгі жалақыны 60 мың теңгеден 70 мың теңгеге дейін көтеру туралы шешім қабылдағанын мәлімдеді. Бұл шара 1,8 миллион азаматтың табысына тікелей әсер етеді. Сонымен қатар, әлеуметтік төлемдер мен жәрдемақылардың мөлшерін арттыру арқылы халықтың әл-ауқатын жақсару мен қатар әйелдердің зейнеткерлік жасы 2028 жылға дейін 61 жас деңгейінде белгіленетін болды.
Соңғы кездері еліміздің жолдарына қатысты көпшіліктің реніші туындап жүргені анық.Себебі,инфрақұрылым және көлік саласында әлі де қоржаланған мәселелер аз емес.Әсіресе,жолдардың сапасы сын көтермейді.Сондықтан, Президент 2025 жылға дейін жергілікті жолдардың кемінде 95 пайызын жақсарту міндетін қойды. Бұл тапсырма инфрақұрылымды дамыту және өңірлер арасындағы байланыстарды нығайтуға бағытталған.
Қазіргі кезеңде транспорттық тасқынның бір жолға қойылуына және талай адамдардың қазасына әкеп соқтырған жол апаттарының алдын алуға негізгі міндеттер осыдан туындары анық.
Биылғы жолдауда экономиканы әртараптандыру және инновациялық технологияларды енгізу арқылы тұрақты дамуын қамтамасыз ету,цифрлық білім беру платформаларын дамыту және білім сапасын арттыру, жаңартылатын энергия көздерін дамыту және энергия тиімділігін арттыру мемлекетіміздің биік белестерге бет алуын қамтамасыз етеді..
Әрине, Жолдауда Президентіміз саяси реформалар мен экономикалық өрлеудің,әлеуметтік тұрақтылықтың тетігі болар маңызды жайларға терең тоқталып, халықтың ертеңге деген сенімділігін арттыратын ұсыныстарын білдіріп, тиісті министрліктер алдына нақты міндеттер қойды.
Жолдауда көтеріліп,мемлекет басшысынның тапсырмаларынан туындайтын жаңа заманға сай озық технологияларды қолға алу және жедел жүзеге асыру 2025 жылғы Қазақстанның жаңа даму кезеңіне қадам басуын білдіреді.
Әйтеке би ауданының құрметті азаматы Е.Әбдіраев