Инклюзивті білім – адам құқығы мен өркениетті қоғамның белгісі

Дүниежүзілік инклюзивті білім беру конгресінің Қазақстанда өтуі – елдің әлеуметтік саясаттағы жетістіктерінің халықаралық деңгейде мойындалуы. Бұл форумда талқыланған «Қолжетімділік. Теңдік. Өрлеу» тақырыбы қазіргі заманның басты ұстанымдарын қамтиды. Инклюзивті білім беру тек ерекше қажеттілігі бар балалар үшін емес, тұтас қоғамның мәдени деңгейін көрсететін айна іспетті. Қазақстанда соңғы жылдары қабылданған заңнамалық өзгерістер мен инклюзивті пакеттер білім саласында жаңа стандарт қалыптастырды. Педагогтерге арналған арнайы бағдарламалар, білім беру нысандарын бейімдеу және цифрлық технологияларды енгізу арқылы мемлекет әр баланың әлеуетін толық ашуға жағдай жасап отыр. Бұл үрдіс елімізді аймақтағы көшбасшы елге айналдырды.

Әйтеке би аудандық қоғамдық кеңес төрағасы Смагулова Раушангул Смагуловна