«Таза бейсенбі» акциясы

Президенттің «Таза Қазақстан» жалпыұлттық бастамасы және Кеңес Одағының Батыры Әлия Молдағұлованың 100 жылдығы аясында «AMANAT» партиясымен Ақтөбе облысы Әйтеке би ауданында партияластар, «Жастар Рухы» жастар қанатының белсенділері және қоршаған ортаға бей-жай қарай алмайтын тұрғындар аудан орталығы Темірбек Жүргенов ауылының Әлия Молдағұлова көшесін абаттандыру жұмыстарын өткізді.

Олар шамамен 3 тонна қоқыс жинап, көшеттер отырғызып, теректер мен көшеттер айналасындағы топырақты қопсытып, құрғақ жапырақтарды жинады.

Мемлекет басшысы Қасым-Жомарт Тоқаев: «Уақыт өткен сайын көптеген адамдардың қоршаған ортаны аялауға, қорғауға ұмтылып жатқанын көріп отырмыз. Азаматтарымыз экологиялық талаптарды сақтап, оны саналы түрде өмір салтына айналдырып келеді», деген еді. Соның жарқын дәлелі ретінде былтыр Президент бастамасымен қолға алынған «Таза Қазақстан» жалпыұлттық акциясы өз нәтижесін беріп, елімізде жаңа экологиялық мәдениет қалыптасуда.

«Таза бейсенбі» акциясы арқылы біз тұрғындардың туған жерге деген жауапкершілігін нығайтуға тырысудамыз. Бұл бағытта бүгін біз еліміздің даңқты батыры Әлия Молдағұлова атындағы ұзындығы үлкен, ауданымыздың қасбеті көшесін тазаладық. Ол көше республикалық маңызы бар жолдың жиегінде орналасқан.
Әлия Молдағұлова – қазақ халқының ғана емес, бүкіл адамзаттың жүрегінен орын тапқан ерліктің символы. Оның өмірі мен ерлігі бізге ел үшін, жер үшін аянбай еңбек етудің маңыздылығын ұғындырады. Сондықтан оның есімімен аталатын көшені таза ұстау – өткенге құрмет, тарихқа тағзым. Ауылдастар арасында осы бағыттағы атқарылып жатқан ауқымды жұмыс жалғасын таба береді деген сенімдеміз», – деді «AMANAT» партиясы Әйтеке би аудандық филиалы атқарушы хатшысы Әлібаев Марат Көпжасарұлы.