Президент әлеуметтік салада ауқымды реформалар қажет екенін айтты.

Президент әлеуметтік салада ауқымды реформалар қажет екенін айтты. Қазақстан – әлеуметтік мемлекет болғанымен, жеке мектептерді «жан басына шаққандағы қаржыландыру» жүйесін қайта қарау керек. Өйткені қазір оқу ақысы жоғары элиталық мектептерге де бюджеттен қаржы бөлініп отыр, ал мемлекет қаржысының өзі тапшылық көріп жатыр.
Сонымен қатар, жекеменшік медициналық ұйымдарда науқастарды есепке алу мен тіркеуді толық цифрландыру қажет. Себебі кейбір жеке клиникалар тексеруден өту үшін азаматтарды мемлекеттік емханаларға жіберіп, жүйеде ретсіздік тудырып отыр. Президент мұндай жағдайлар білім беру мен медицина саласындағы жеке кәсіпкерлік ұғымын бұрмалап отырғанын атап өтті.
Бұдан бөлек, Қазақстанда медициналық туризм қарқынды дамып келеді. Астана мен өзге қалаларға ем алу үшін көрші елдерден ғана емес, АҚШ пен Еуропаның кейбір мемлекеттерінен де азаматтар келуде. Мемлекет мұғалімдер мен медицина қызметкерлеріне елеулі қолдау көрсетіп, олардың жалақысын арттырып, қоғамдағы мәртебесін көтерді.

Аудандық мәслихат депутаты Р.Исмаилова