Референдум – халықтың тікелей еркін білдіретін демократиялық құрал

Референдум – билік пен халық арасындағы сенімді нығайту құралы. Маңызды қоғамдық немесе мемлекеттік шешімді қабылдауда халықтың қатысуы демократияның ең сенімді үлгісі болып саналады. Бұл – тек дауысты есептеу емес, әр адамның пікірі бағалы екенін көрсететін мүмкіндік.
Бүкіл ел болып маңызды шешім қабылдау – ортақ жауапкершілік туғызады. Азаматтар өз таңдауларын білдірген сайын, қоғамдағы бірлік пен келісім күшейеді. Референдум нәтижесі – билікке халықтың нақты сенімін көрсету, ал халыққа – мемлекет өміріне тікелей әсер ету құқығын беру.
Сонымен қатар, референдум арқылы қабылданған шешімдер қоғамға заңды әрі тұрақты түрде енеді. Бұл – азаматтардың құқықтарын қорғайтын, биліктің әрекетін қоғам назарына шығарған тиімді механизм. Халық пен биліктің арасында ашықтық пен түсіністік орнаған сайын, демократиялық мемлекет дамиды.

Аудандық ақсақалдар кеңесінің төрағасы Исатаев Бақыт