Жаңа Конституция жобасы – уақыт талабынан туындаған қадам.

Жаңа Конституция жобасы – уақыт талабынан туындаған қадам. Қоғам дамыған сайын заң да жаңарып, халықтың сұранысына сай бейімделуі тиіс. Бұл құжат азаматтардың құқықтарын қорғауды күшейтіп, мемлекеттің жауапкершілігін арттыруға бағытталған. Ал референдум – сол өзгерістердің халық қалауымен қабылдануының айқын көрінісі.
Бүгінгі өзгерістер ең алдымен адам құқығын қорғау тетіктерін нақтылауға мән береді. Әділ сот жүйесін қалыптастыру, билік тармақтарының теңгерімін сақтау, азаматтардың еркін пікір білдіруіне жағдай жасау – жаңа жобаның басты ұстанымдарының бірі.
Сондықтан бұл бастама тек заң мәтінін түзету емес, ел болашағына деген сенімді нығайтуға бағытталған стратегиялық шешім. Референдум арқылы әрбір азамат осы тарихи қадамға өз үлесін қосып, ортақ жауапкершілікті сезінеді.

Аудандық мәслихат депутаты Баймышев Ғалымжан Әкімжанұлы