Дамыған елдердің жобасына қызығушылық басым болғаны жөн

Жұртшылықтың көңіліне түрлі ой салған АЭС мәселесі 6 -қазанда жалпыхалықтық референдумда шешілмек.
Әрине,көп пікірі ортақ шешім қабылдауына өз әсерін тигізеді.
Жұртшылық Чернобыл апатынан соң көңілдеріндегі күдігін жасыра алмаулары түсінекті.Бірақ,заман басқа,соған қарай замануи технологиялар да қолданыста.
-Қазір әлемде энергия тапшылығы
күшейіп барады. Елімізге сенімді және
экологиялық таза қуат көздері аса қажет.
Сондықтан біз атом энергетикасын
дамытуға баса мән беруіміз керек деп
ойлаймын. Себебі экономикамыз күн
өткен сайын мол энергияны қажет етуде.
Мұндай сұранысты атом энергетикасы
қамтамасыз ете алады. Қазір дамыған
және дамушы 30 мемлекетте 200-ге жуық
атом электр стансасы жұмыс істеп тұр»-деп бұл мәселенің күн тәртібіне неге қойылғанын мемлекет басшысы бүгінгі Жолдауында нақты айтып өтті.
Энергетика саласында реформа жоқ.Сондықтан АЭС-тің қажеттігін өмірдің өзі көрсетіп отыр.Оған қажетті өнімдерге жеріміз бай,яғни сырттан тасымалданбайды.
Тек Франция,Жапония секілді дамыған елдердің жобасына қызығушылық басым болғаны жөн.Өйткені ол мемлекеттерде АЭС салу мен жұмысын жүргізу бағытында мамандары тәжірибелі және түрлі сейсмикалық қауіптен қорғанудың барлық жүйелілігі жетілдірлгені сөзсіз.Бұл қауіпсіздіктің алғышарты.
Міне,бұл жағы басты назарда болар деген үміттеміз.

Ғарифолла Измуратов,
Т.Жүргенов ауылдық округі ақсақалдар кеңесінің төрағасы.