Қандай мемлекет болса да, оның тірегі – Ата заң.

Қандай мемлекет болса да, оның тірегі – Ата заң. Сондықтан Конституцияға енгізілетін әр өзгеріс халықтың өміріне тікелей әсер етеді. Жаңа жобада қоғамдағы өзгерістер ескеріліп, азаматтардың құқығы мен міндеті нақтырақ көрсетілген. Бұл болашақта тұрақтылық пен тәртіптің нығаюына себеп болады.
Референдум өткізу – ортақ шешімді бірге қабылдау деген сөз. Халықтың қатысуымен қабылданған заң әрқашан берік болады. Сондықтан бұл науқан елдің бірлігін көрсететін маңызды кезең деп есептеймін.
Заңға деген құрмет – мемлекетке деген құрмет. Егер әр азамат өз таңдауына жауапкершілікпен қараса, қоғамда сенім де, тұрақтылық та нығаяды. Сол себепті бұл өзгерістердің мәні үлкен деп ойлаймын.

Аудандық аналар кеңесінің мүшесі Смагулова Роза