Заң заманға сай болмаса, қоғам да алға жылжымайды.

Қазіргі уақытта ұсынылып отырған Конституцияның жаңа нұсқасы елдің дамуына серпін береді деп сенемін. Заң заманға сай болмаса, қоғам да алға жылжымайды. Сондықтан өзгерістердің енгізілуі – табиғи әрі қажетті қадам. Бұл құжатта әділдікке, жауапкершілікке және халықтың мүддесіне басымдық берілген.
Референдум – халықтың таңдау жасау құқығын көрсететін үлкен мүмкіндік. Әр азамат өз болашағына өзі жауапты екенін сезінеді. Осындай маңызды сәтте белсенділік таныту – елге деген жанашырлықтың белгісі. Бірлікпен қабылданған шешім әрқашан берекелі болады.
Біз бүгін қабылдайтын шешім ертеңгі күннің бағытын айқындайды. Сондықтан әр адам өз дауысын саналы түрде беріп, елдің дамуына үлес қосуы қажет. Халықтың қолдауымен қабылданған заң ғана ұзақ уақыт қызмет етеді.

Аудандық мәслихат депутаты Абдижалелов Жандос