Еліміздің даму жолында қабылданатын әрбір маңызды шешімнің орны ерекше.

Еліміздің даму жолында қабылданатын әрбір маңызды шешімнің орны ерекше. Соның ішінде Конституцияның жаңа жобасы – мемлекетіміздің болашақ бағытын айқындайтын негізгі құжаттардың бірі. Уақыт талабына сай заңды жетілдіру – қоғамның алға жылжуы үшін қажет қадам. Бұл өзгерістер халықтың құқықтарын қорғауды күшейтіп, әділдік қағидаларын нығайтуға бағытталуы тиіс.
Жаңа жобада азаматтардың еркіндігі мен мүмкіндігі кеңейе түседі деп сенемін. Заң бәріне бірдей қызмет еткенде ғана ел ішінде сенім қалыптасады. Әсіресе жастардың білім алуына, еңбек етуіне, өз қабілетін көрсетуіне жағдай жасайтын нормалардың болуы – мемлекет үшін маңызды.
Осындай маңызды өзгерістерді халықтың талқысына салу – дұрыс шешім. Референдум арқылы әр азамат өз ойын білдіріп, ел болашағына үлес қосады. Конституция – баршаға ортақ құндылық болғандықтан, оған қатысты шешімді де халықпен бірге қабылдау қажет деп ойлаймын.

М.Жұмабаев атындағы ЖОББМ мұғалімі Көсегенова Райгүл