Әйтеке би ауданында коалиция жұмысына үлес қосқан азаматтар марапатталды

Әйтеке би ауданында «Әділетті және Прогрессивті Қазақстанның Халықтық Конституциясы үшін!» жалпыұлттық коалициясының жұмысына елеулі үлес қосқан белсенді азаматтар марапатталды. Мемлекет басшысы Қасым-Жомарт Тоқаев пен «AMANAT» партиясының төрағасы, Жалпыұлттық коалицияның жетекшісі Ерлан Қошановтың Алғыс хаттарын Әйтеке би ауданының әкімі Даулетияр Тоғызбаев табыстады.

Салтанатты жиында «Әділетті және Прогрессивті Қазақстанның Халықтық Конституциясы үшін!» аудандық коалициясының мүшелері марапатталды. Олар Республикалық референдумды өткізу кезеңіндегі ауқымды үгіт-насихат және түсіндіру жұмыстарының негізгі қозғаушы күшіне айналды.