1 маусым – Халықаралық балаларды қорғау күніне орай мектебімізде «Балалардың бақытты болашағы – ортақ міндет» тақырыбында психологиялық тренинг ұйымдастырылды

Іс-шараның басты мақсаты оқушылардың көңіл күйін көтеру, олардың ішкі жан дүниесін тануға мүмкіндік беру, сенімді қарым-қатынас орнату және бала бойындағы мейірім мен жылулықты арттыру болды.
Тренинг барысында мектеп психологы Г. Абдрахманова оқушылармен түрлі психологиялық жаттығулар өткізіп, ерекше әсер сыйлады. Соның ішінде әйнек рамкаға сурет салу әдісі арқылы балалар өз қиялдарын бейнелеп, шығармашылық қабілеттерін көрсетті. Бұл жұмыс оқушылардың еркін ойлауына, эмоцияларын ашық жеткізуіне және эстетикалық талғамын дамытуға ықпал етті.
Сонымен қатар «Байланыс жібі» терапиясы ұйымдастырылып, балалар бір-біріне жылы лебізін айтып, достық пен сыйластықтың маңызын сезінді. Аталған терапия оқушылар арасындағы сенімді нығайтып, ұжымдық қарым-қатынасты жақсартуға, өзара қолдау көрсетуге бағытталды.
Тренинг барысында балалар көтеріңкі көңіл күйде болып, белсенділік танытты. Әрбір бала өзінің ерекше екенін сезініп, жүрек жылуына бөленді.
Балалардың күлкісі – әлемнің сәні, ал олардың қауіпсіз әрі бақытты болашағы – баршамыздың ортақ міндетіміз!