Тәуелсіздігіміздің 35 жылдығын нақты нәтижелермен қарсы алу керек – Президент
Screenshot
АСТАНА. KAZINFORM – Мемлекет басшысы Қасым-Жомарт Тоқаев Астанада Мемлекеттік рәміздер күніне арналған салтанатты шарада ел ішінде жасалып жатқан реформалар нәтижесі жөнінде пікір білдірді.
– Құрметті отандастар! Біз биыл Тәуелсіздіктің 35 жылдығын атап өтеміз. Бұл тарихи кезең жүріп өткен жолымызды жан-жақты терең талдауды және болашаққа стратегиялық жоспар құруды мұқият ойластыру тұрғысынан үлкен мәнге ие, – деді Президент.
Қасым-Жомарт Тоқаев мерейлі датаны қажырлы еңбекпен және нақты нәтижелермен қарсы алу қажет екенін баса айтты.
– Биыл тұтас еліміз үшін ауқымды өзгерістерге толы жыл болып отыр. Қазақстан қоғамдық өмірдің барлық саласында соны серпіліске ұмтылған ел ретінде орнықты дамудың даңғыл жолына түсті, – деді Мемлекет басшысы.
https://kaz.inform.kz/news/tauelszdgmzdn-35-zhildigin-nakti-natizhelermen-karsi-alu-kerek-prezident-f5f09217
