Ақтөбе облыстық мәслихатының төрағасы Мемлекет басшысының ұстанымын толық қолдайды

Гүлқасима СҮЙІНТАЕВА, облыстық мәслихат төрағасы:

«Президенті Қасым-Жомарт Кемелұлы ел халқына арнаған Жолдауында мемлекетті дамытудың негізгі басымдықтарын айқындап берді, олардың қатарында мемлекеттік қаржыны тиімді басқару, бюджеттік қатынастарды оңтайландыру, экономиканы әртараптандыру және кәсіпкерлікті дамыту бағыттары бар.
Ақтөбе облыстық мәслихатының төрағасы ретінде мен Мемлекет басшысының ұстанымын толық қолдаймын және ұсынылған бастамалар қоғамымыздың тұрақты дамуын қамтамасыз ететініне сенімдімін.

Мемлекет басшысы сондай-ақ бюджеттік қатынастарда тәртіп орнату қажеттігін атап өтті. Шағын және орта бизнестен түсетін салық түсімдерін өңірлерде қалдыру шешімі кәсіпкерлікті дамытуға елеулі серпін берді және әкімдердің дербестігін арттырды. Осыған байланысты Үкіметке бюджет тапшылығын өтеу үшін ұтымды өтемдік механизмдерді әзірлеуді ұсынуды қолдаймын.

Сонымен қатар Мемлекет басшысы Жолдауда жаңа қаржыландыру модельдерін қолдану қажеттігін атап өткен екі бағытқа тоқталғым келеді.
Біріншіден, Президент агроөнеркәсіптік кешенді тікелей субсидиялаудан қолжетімді несиелендіруді қамтамасыз етуге көшу маңыздылығын атап өтті. «Барлық бөлінетін қаражат тиімді пайдаланылуыкерек», — деді Қасым-Жомарт Кемелұлы.

Соңғы уақытта субсидиялардың тиімсіз пайдаланылуы жиілеп кеткені мәлім. Сол себепті фермер несиенің қайтарылуы қажет екенін түсініп, өз жауапкершілігін сезіну, қолдаудың неғұрлым тиімді әдісі болып табылады. Бұл сондай-ақ бюджеттен қосымша қаражаттарды бөлмей, несие қаражатын қайта айналымға салуға мүмкіндік береді. Меніңше, мұндай тәсіл ауыл шаруашылығын дамытуға және оның бәсекеге қабілеттілігін арттыруға ықпал етеді».