ҚАРТТАР КҮНІНЕ ОРАЙ ҚАРИЯЛАРҒА ҚҰРМЕТ КӨРСЕТІЛДІ
«Әділет» партиясының «Ардагерлерді ардақтайық» жобасы аясында Қарттар күніне орай Әйтеке би аудандық мәслихатының төрағасы Берик Сейлханов және Әйтеке би аудандық мәслихатының депутаты Раиса Исмайлова ауданның қазыналы қарияларының шаңырақтарына арнайы барып, мерекемен құттықтады.
1 қазан – Халықаралық қарттар күні. Бұл күн аға буынға құрмет көрсетіп, олардың өмірлік тәжірибесі мен қоғамға қосқан үлесін бағалауға арналған. Кездесу барысында қарияларға ізгі тілектер айтылып, зор денсаулық, ұзақ ғұмыр және отбасыларына амандық тілінді.
Аға буынның өмірлік тәжірибесі мен тағылымы – кейінгі ұрпақ үшін құнды өнеге. Қарияларға құрмет көрсету – ұрпақтар сабақтастығын нығайтудың және ұлттық құндылықтарды дәріптеудің маңызды көрінісі.
