Президент бір топ спортшыға мемлекеттік наградалар тапсырды

Президент Жарлығымен каратэден алтын медаль иегері Софья Берульцева «Парасат» орденімен марапатталды.

«Құрмет» орденін – шосседегі велоспорттан жекелей жарыстың және топтық жарыстың екі алтын медаль иегері Алексей Луценко, семсерлесуден командалық жарыстың алтын медаль иегері Кирилл Проходов, семсерлесуден командалық жарыстың алтын медаль иегері Ерлік Сертай, сондай-ақ академиялық есуден жұптық жарыстың алтын медаль иегерлері Иван Чернухин мен Владислав Яковлев алды.

«Ерен еңбегі үшін» медалімен марапатталғандар:

Биғабыл Жоламан Қуанышбекұлы – каратэден алтын медаль иегері, Астана қаласы

Бүркіталин Еркінғали Аманғалиұлы – аралас жауынгерлік жекпе-жектің алтын медаль иегері, Ақтөбе қаласы

Ермұханбет Наиль Мадьярұлы – паравелоспорттан ерлер арасындағы жекелей уақытқа жарыстың және тас жолдағы жарыстың екі алтын медаль иегері, Астана қаласы

Калаус Анастасия Андреевна – паравелоспорттан әйелдер арасындағы жекелей уақытқа жарыстың және тас жолдағы жарыстың екі алтын медаль иегері, Астана қаласы

Кенжебек Диас Ерболатұлы – паражүзуден алтын медаль иегері, Астана қаласы

Құлмырза Бексұлтан Нұрланұлы – парадзюдодан алтын медаль иегері, Астана қаласы

Нұрмаханұлы Ибрагим – парадзюдодан алтын медаль иегері, Астана қаласы

Сейілбекова Ақтолқын Елтайқызы – парадзюдодан алтын медаль иегері, Астана қаласы

Сұлтанова Рината Станиславовна – шосседегі велоспорттан әйелдер арасындағы 24 км жекелей жарыстың алтын медаль иегері, Астана қаласы

Тоқсанбаева Ясмина Тұрсынқызы – жеңіл атлетикадан марафондық қашықтыққа жүгіруге қатысушы, Астана қаласы

Тілеулес Тамирлан Мұхтарұлы – таеквондодан алтын медаль иегері, Алматы қаласы

Шарлаимов Вадим Вадимович – семсерлесуден командалық жарыстың алтын медаль иегері, Астана қаласы

Шынбаев Қадырбек Айбекұлы – аралас жауынгерлік жекпе-жектің алтын медаль иегері, Ақтөбе қаласы;

Сонымен бірге, Азия және Параазия ойындарына қатысқан бірқатар спортшы Президенттің Алғыс хатымен марапатталды.

Айта кетейік, Ақордада Президент Азия ойындары және Азия параойындарының жеңімпаздары мен жүлдегерлерін марапаттады.

Жапонияда өткен XX жазғы Азия ойындары аяқталады. Қазақстан құрамасы 84 медаль (12 алтын, 24 күміс және 48 қола) олжалап, 46 елдің ішінде жалпыкомандалық есепте 8-орынға тұрақтады.

Ал Азия Параойындарында Қазақстан 50 медаль жеңіп алып, үздік ондыққа енді.

Бұған дейін Мемлекет басшысы спорт саласы әрдайым мемлекеттің басты назарында болатынын айтқан еді.