Конституция – татулық пен бірліктің негізі

Конституция – мемлекеттің берік негізі, халықтың бірлігі мен тұрақтылығының басты кепілі. Ол – әрбір азаматтың құқықтары мен бостандықтарын қорғайтын, қоғамның дамуы мен елдің болашағын айқындайтын маңызды құжат.

Ата Заңда еліміздің негізгі құндылықтары, азаматтардың құқықтары мен міндеттері, мемлекеттік басқару жүйесінің қағидаттары нақты белгіленген. Конституция – заң үстемдігін қамтамасыз етіп, әділдік пен теңдікті қалыптастыруға бағытталған басты құқықтық негіз.

Халықтың ынтымағы мен бірлігі, өзара құрметі және заңға деген жауапкершілігі – қуатты мемлекеттің тірегі. Сондықтан Конституцияны құрметтеу, оның талаптарын сақтау және құқықтық мәдениетті арттыру – әрбір азаматтың міндеті.

Конституция – халықтың сенімі, елдің тұтастығы мен тұрақтылығының кепілі, жарқын болашаққа бастайтын басты бағдар!

Әйтеке би аудандық ” Жаңалық жаршысы” газетінің редакторы Е. Әбдіраев