Зайырлы қоғамның жаңа заңы

Елімізде ұсынылып отырған Қазақстан Республикасы Конституциясының жаңа жобасы – мемлекетіміздің болашағына бағытталған маңызды қадамдардың бірі деп ойлаймын. Негізгі заң – кез келген елдің дамуына бағыт беретін басты құжат. Сондықтан оның мазмұны заман талабына сай жаңарып, халықтың мүддесін қорғауға қызмет етуі өте маңызды.
Жаңа жобада азаматтардың құқықтары мен бостандықтарын қорғау, әділетті қоғам қалыптастыру, мемлекеттік басқару жүйесін жетілдіру сияқты мәселелерге ерекше көңіл бөлінгені байқалады. Бұл өзгерістер еліміздің тұрақты дамуына және қоғамдағы сенімді арттыруға өз ықпалын тигізеді деп сенемін.
Ал референдум өткізу – халықтың пікірін ескерудің ең ашық әрі демократиялық жолдарының бірі. Әр азамат өз таңдауын жасап, ел болашағына қатысты маңызды шешім қабылдауға үлес қоса алады. Сондықтан мұндай маңызды бастамаға қоғам болып белсенді қатысып, ортақ болашағымыз үшін өз пікірімізді білдіруіміз қажет.

Асқар Күздеуов,қоғам белсендісі.