Ассамблея – мемлекеттігімізге арқау болған аса маңызды құрылым

Мемлекет басшысы Қасым-Жомарт Тоқаев елімізде этносаралық достық пен татулықтың нығайып, мемлекетіміздің егемендігінің мызғымастығы жолында біртұтас болуға үндеп, осы бағытта ортақ мүдденің басымдық алуына назар аудартып келеді. Әрине, бұл істе ҚХА ерекше белсенділік танытуы тиіс. Өйткені осы ұйымның құрылу мақсаты да осыны меңзейді.
Қазақстан халқы Ассамблеясының ХХХІV сессиясында Президентіміз:”Ассамблея – мемлекеттігімізге арқау болған аса маңызды құрылым. Бұл – Ассамблеяға артылатын жүктің салмағы да жеңіл емес деген сөз. Ұлттық мүдделерімізді қорғап, егемендігімізді нығайту – қастерлі парыз. Мұны Ассамблея мүшелері терең сезінеді деп ойлаймын. Ассамблея барша азаматтарды ортақ құндылықтар мен мақсаттарға жұмылдыратын жалпыхалықтық орган ретінде жұмыс істеуі керек”-деп Ассамблеяның нақты мұратын айқындап берді.
Сондықтан аталған ұйым бір ғана этностың емес, жалпы мемлекеттің ынтымағына жұмыс жасауы керек

Исатаев Бақыт, Әйтеке би аудандық ақсақалдар кеңесінің төрағасы