Шегірткемен күрес ширай түсті
Бүгін, ауылшаруашылық құрылымдарында шегірткемен күрес мәселесі жайында жиын өтті.
Кеңесте алдымен, облыстық аумақтық инспекция басқармасының басшысы Д.Сағыров сөз алып, бірнеше жылдан бері проблемаға айналып келе жатқан шегірткені және дернәсілдерді жою бағытында қолға алып жатқан шараларға тоқталды. Сонымен қатар, жиынға облыстық ветеринарлық басқармасының басшысы А.Сембай, облыстық ауылшаруашылығы және жер қатынастары басқармасы басшысының орынбасары А.Абтиев та қатысты.
Бұл орайда, шаруаны оңтайлы жүргізу үшін техника және адам күшімен қамту, анықтаушылар қатарын жұмыссыздар есебінен көбейту жайын айта келіп, барлық шаруашылық басшылары мен ауыл әкімдерін ортақ іске бірлесе әрекет жасауға шақырды.
Жиында кейбір округтерден келген қожалық иелері шегірткені улау жөнінде өздерінің ақысыз көмек көрсететіндерін жеткізді.
Сондай-ақ, отырыста шаруалардың егіс алқаптарына, жайылым жерлеріне киіктердің өтіп кетпеу сұрағы да қаралды.
