Болашаққа нық қадам

Қазіргі кезеңде ел дамуының негізгі басымдығының бірі — азаматтардың мемлекеттік шешімдерді қабылдау үдерісіне белсенді араласуына мүмкіндік беретін тиімді тетік қалыптастыру. Сонымен қатар мемлекеттік органдардың халық алдындағы ашықтығы мен есептілігін күшейту ерекше маңызға ие.
Осы мақсатқа қол жеткізуде Құрылтай депутаттарын сайлау маңызды саяси оқиғаның бірі. Ол мемлекеттік басқару жүйесін жетілдіруге ғана емес, қоғам мен билік арасындағы өзара байланысты нығайтуға да ықпал етеді. Құрылтай сайлауы — еліміздің жаңа саяси мәдениетін қалыптастыратын науқан.
Еліміздің ең басты байлығы — татулық пен бірлік. Бірлігі жарасқан халық қана кез келген қиындықты еңсеріп, жаңа белесті бағындыра алады. Осы тұрғыдан алғанда, Құрылтай елді ортақ мақсатқа жұмылдыратын, қоғамдық келісімді нығайтатын және мемлекетіміздің болашағына бағыт-бағдар беретін маңызды саяси алаң болады деп сенеміз. Оның басты мақсаты — әділетті, берекелі әрі дамыған Қазақстанды бірге құру. Сондықтан сайлау барысында өз таңдауымызды жасап, саяси науқанға белсенді қатысу — азаматтық парызымыз.

Нұрлыбек Жұбатқан, «Екі езу» сатира театрының көркемдік жетекшісі.