Әйел өмірі үшін
1 қазаннан бастап Қазақстанда «Әйел өмірі үшін» атты сүт безі обыры туралы хабардарлықты арттыруға бағытталған республикалық айлық басталады.
Ұйымдастырушы – «Әділет» партиясының Әйелдер қанаты.
Ақтөбе облысында облыстық денсаулық сақтау басқармасының қолдауымен осы маңызды бастама аясында бірқатар іс-шаралар өткізіледі. Біздің басты мақсатымыз – жас қыздар мен әйелдер арасында аурудың алдын алу, денсаулыққа жауапкершілікпен қарау және сүт безі обырын ерте анықтау үшін уақтылы скринингтен өтудің маңыздылығын түсіндіру.
Құрметті ақтөбеліктер! Мемлекеттік және жеке мекемелердің басшыларын, қоғамдық белсенділерді, барша азаматтарды осы игі бастаманы қолдауға және оған белсенді қатысуға шақырамыз!
Әрбір әйелдің денсаулығы мен өмірі қымбат. Ауруды ерте анықтау – өмірді сақтап қалудың маңызды қадамы.
Әйел денсаулығына қамқорлық жасау – ұлт болашағына қамқорлық жасау!
Айгул Аманжулова, Ақтөбе облыстық денсаулық сақтау басқармасы басшысының орынбасары
