Әлеуметтік мемлекет қағидатының нақты баптардағы көрінісі

Жаңа Конституция жобасында Қазақстанның әлеуметтік мемлекет ретіндегі сипаты арнайы баптар арқылы күшейтілген. Егер бұрын әлеуметтік міндеттер жалпы сипатта жазылса, жаңа жобада олар мемлекеттің нақты жауапкершілігі ретінде айқындалған.
Атап айтқанда, жобада еңбекке әділ ақы алу, әлеуметтік қамсыздандыру, медициналық көмекке тең қолжетімділік мәселелері жеке-жеке нормалармен нақтыланған. Сондай-ақ, әлсіз топтарды қорғау мемлекеттің тікелей міндеті екені көрсетілген.
Бұл баптардың маңызы – әлеуметтік әділеттілікті Конституция деңгейінде бекітуінде. Артықшылығы – әлеуметтік саясаттың сабақтастығы қамтамасыз етіледі. Жаңалығы – әлеуметтік құқықтар енді экономикалық жағдайға тәуелді емес, конституциялық кепілдікке ие болады.

Аудандық қоғамдық кеңес төрағасы Р.Смагулова