Амандықпен үйіріңе қосыл,аққуым!

Қарабұтақ ауылының тұрғыны,сондағы байланыс саласында қызмет жасайтын Марат Қалмағанбетов күздің қысқа ұласар тұсында жаралы аққуды тауып алып,үйіне әкеліп күтім жасайды.Өз серіктерінен қол үзіп қалған сұлулық символы жалғыздықтан қанша жабырқағанмен біртіндеп үйге үйрене бастайды.
Міне көктем келді.Жылы жақтан құстардың қайта оралатынын түйсікпен сезген аққудың жайын түсінген Марат оны еркіндікке жіберуге шешім қабылдады.
Өздерінің отбасының бір мүшесіндей болған киелі құсты барлығы жиылып барып, көлге жіберді.
Аққудың өзіне қамқор болған иесінен алыстағысы келмегендей жағадан ұзамады,қимағанын білдіргендей қанат қомдап ұшуға да талпынбады.
Амандықпен үйіріңе қосыл,аққуым!
(Аудандық газетте осы жайлы кеңінен мақала жарияламақпыз)