Аудан әкімінің су тасқынына қатысты хабарламасы

⬇️АУДАН БОЙЫНША ЖАЛПЫ АХУАЛ:

⚡️Әйтеке би ауданы Қайрақты ауылдық округі Талдық ауылының жолындағы грейдердің 59 километрінде еріген қар суы шаруашылық әдіспен салынған көпірді шайып кетті.

🔘Қарабұтақ-Ақкөл (0-32км) жергілікті маңызы бар жолдың шамамен 2ші шақырымында (Жарөткел ауылының маңы) су жолдың бетіне шықты.

📌Әйтеке би ауданы Самара-Шымкент тас жолының 961 шақырымында еріген қар суы тас жолдың бетімен өтті .Алдын алу жұмыстарын жүргізуге «ҚАЖ-Сервис» ЖШС Қарабұтақ оқиға орнында инертті материалдармен су жолын бөгеу, тас жолдың жиегін көтеру және су сору жұмыстарын жүргізуде.

🔹Сонымен қатар, сол жерде, трасса бойында Көрпе (Еңбекту) ауылы орналасқан, еріген қардың суы сол ауылға шаруашылық әдіспен жасалған съездтың үстінен де су жүріп жатыр.

🔴Жабасақ округінің Аққұм ауылына жақындағандағы Ащылы сайының суы жылдағыдай тасып жатыр, әзірше қатынас болмайды. Кезекшілік қойылды.
Ауылда медпункт бар, алғашқы көмек көрсетуге қажетті дәрі-дәрмек және дүкендер де азық-түлік қорымен қамтамасыз етілген.

⚫️Қияқты ауылына апаратын 4 км көтерме жолының ауылға шамамен 600м қалған жерде “Самара-Шымкент” трассасының жиегіндегі қардан еріген суы көтеріліп тұр.
Ауылға әзірше қауіп жоқ.

‼️Келіп түскен өтініштерге сәйкес аудан басшысы мен жедел штаб өкілдері дереу жұмыстануда.