АУЫЛШАРУАШЫЛЫҒЫ ДАМЫСА, АУЫЛ ДАМИДЫ

Елдің әлеуметтік-экономикалық дамуының бір тетігі ауылшаруашылығын дамытуда жатыр. Жергілікті жерде малшаруашылығы мен егіншаруашылығы қатар жүргізіліп келеді. Осы екі саланың сара жолға салынуы ауылдың да дамуына оң ықпал етері анық. Ал, ауылдың өркендеуі-елдің дәулеті өрлеуіне жеткізеді. Бұл жайында мемлекет басшысы Қ. Тоқаев үнемі айтып, нақты міндеттер жүктеуде.
Парламенттің бірлескен отырысында жасаған Жолдауында Президентіміз ауылшаруашылығына кеңірек тоқталды. Әсіресе, ауылшаруашылығы жерлерін беру тәсілдерін түбегейлі өзгерту,жасанды интелек арқылы ауылшаруашылығы жерлеріне спутникпен мониторинг жасаудың тиімділігін арттыру жайын көтерді.  
Уақыт-өзгермелі. Сондықтан ескі сарынмен жұмыс жасау кейінге шегермесе, келешекке кемел бола алмайды.Осыған орай жаңашылдықпен жұмыс жасау кезек күттірмейді.
 — Оның бар игілігі елді дамытып, халықтың тұрмысын жақсартуға арналуы керек. Мен игерілмей бос жатқан және заңсыз алынған ауылшаруашылығы жерлерін кері қайтарып, оны қайта бөлу туралы тапсырма бердім. Жер иесіз қалмауға тиіс, жерді тек қана оның қадірін білетін азаматтарға беру керек. 2022 жылдан бері жалпы аумағы 13,5 миллион гектардан астам жер қайтарылды. Бірақ, әкімдіктер соның 6 миллион гектарын ғана жаңа жер игерушілерге бөліп берген. Иесін тапқан жер өндірістің ошағына, инвестиция көзіне, қайнаған еңбектің ортасына айналуы қажет. Бұл — анық нәрсе. Сондықтан әкімдіктер қайтарылған жердің бәрін келесі жылдың ортасына дейін тұрақты айналымға енгізуі керек. Бұл шара арқылы жайылым тапшылығы мәселесі де шешілуге тиіс, — деді Жолдаудағы сөзінде Қасым-Жомарт Тоқаев.
Президентіміз атап көрсеткендей, жер мәселесін тиімді шешіп, дұрыс әрі сапалы пайдаланса ғана, оның табыстылығы артады. Бұл ауылдың да уақыт көшінен қалмай дамуына серпін береді.
Біздің бағытымыз да-осы.
Баймышев Ғалымжан, Әйтеке би аудандық №7 сайлау округінің депутаты