Батыл шешімдер уақыты

  Біздің Қазақстан мұнай мен газ, көмір өндіруден ылғи алда болғандықтан, ұзақ жылдар бойы энергия тапшылығы білінбеді. Бұл әрине біздің экономикамыз үшін оң бағыт. Алайда, қазіргі кезде халықтың өмір сүру деңгейі артты, қажеттіліктері көбейді. Соған байланысты энергия тапшылығы белең алуда. Оған басты себеп, жыл сайын халық санының көбеюі, ірі-ірі кәсіпорындардың өте көптеп салынуы. Жалпы айтқанда ұлттық экономиканың өсуі энергия тапшылығына әкеліп соқтыруда. Дамыған заманда ешкім энергияны үнемдеп отырмайды. Себебі, бәрі қажеттілікке байланысты. Адамның қажеттілігі артқан сайын, энергияның тіпті дамуына себепкер болады. Экономикамызды дамыту жолында энергия тапшылығы болмау керек. Сондықтан біздің білікті басшылар бұл мәселеге оң шешім табарына сенемін.

Ал, мен өзімнің ойымды қорытындылай кетсем, халықтың тұрмысы мен экономикамыздың өрлеуі үшін энергия тапшылығын алдын-алу маңызды. Алайда, әрбір адам оған алаңдаушылық білдіріп, жарықты үнемі сөндіріп, токтан артық заттарды ажыратып жүргені дұрыс. Елге тапшылық туындатып жатқан энергия мағынасыз жұмсалмаса екен деймін. Ел болашағын, болашақ ұрпақтардың қамын ойлаған әрбір қазақ бұған алаңдаушылық білдіреді деген ойдамын.