БҰЛ КЕЛЕШЕК ПЕН КЕМЕЛДІЛІК КӨПІРІ

БҰЛ КЕЛЕШЕК ПЕН КЕМЕЛДІЛІК КӨПІРІ
Мемлекетімізде құрылыс саласы бойынша атқарылып жатқан жұмыстар саналуан.Теі тұрғын үй емес,ірі өңірлерді бір-бірімен жалғастыратын күре жолдар ғана емес,аудан орталықтарын елдімекендермен байланыстырып, тұрғындардың жол қатынасын жақсарту үшін бұрынғы көтерме жолдар асфальтталуда.Көшелер де өз сәнін таба бастады.Қаншама көпірлер салынып, қолданысқа берілді. Жалпы айтқанда,еліміздің әлеуметтік-экономикалық дамуына негіз болар іргелі істер жүзеге асуда.
«Ғасыр жаңалығы»деп айтуға болатын Күршім көпірінің пайдалануға берілуі мемлекеттің мерейін өсірер құрылыс болды.
Аймақ тұрғындары көпір Бұқтырма су қоймасының екі жағындағы елді мекендер арасындағы көлік қатынасы мәселесін шешкенін айтады.
Жәнеде 500 шақырым айналма жол болғасын тек жол жүру қиындығымен қатар, барлық тауар түрлері қымбаттағаны сөзсіз.Енді көп мәселе өз түйінін тарқатаиыны анық.
Осынау алып құрылыс елдің көлік-логистикалық саласының дамуына оң әсерін тигізіп,Шығыстың шұрайлы табиғатын тамашалаушы туристер саны арта түсуіне зор мүмкіндік берері анық.
-Жұрт жылдар бойы жазда – пароммен, қыста – мұздың үстімен жүретін. Бұл өте ыңғайсыз әрі қауіпті болғаны түсінікті. Енді мәселе біржола шешімін тапты»,- деді ҚР Президенті Қасым-Жомарт Тоқаев осынау құрылыс жұмысының аяқталуына орай сөйлеген сөзінде.
Өскемен қаласын 6 ауданмен тікелей байланыстыратын көпір халықтың қауіпсіздігін сақтауда үлкен роль атқарары анық
Ең бастысы-бұл мемлекеттің даму көрсеткішінің шүбәсіз көрінісі.

Асан Еренов,
аудандық мәслихат депутаты