Бұл секцияда қозғалған мәселелер – ұлттық мәдениетіміз бен руханиятымызды дамыту үшін аса маңызды

Бұл секцияда қозғалған мәселелер – ұлттық мәдениетіміз бен руханиятымызды дамыту үшін аса маңызды. Құрылтай мүшелері көтерген отбасы құндылықтарын нығайту, қазақ тілінің қолдану аясын кеңейту, тарихи-мәдени нысандарды қорғау және өңірлердегі шығармашылықты насихаттау сияқты бастамалар – ұлттық бірегейлікті сақтау жолындағы өзекті қадамдар.
Маңызды мәселе – осы ұсыныстардың іс жүзінде жүзеге асырылуы. Мемлекеттік деңгейде қабылданған шешімдер *ауылдағы* мәдениет ошақтарына, қаламгерлерге, өнер адамдарына нақты қолдау көрсетілуі қажет.
Сонымен қатар, қазақша контентті дамыту мен баспа саласын жүйелеу – қазіргі ақпараттық дәуірде ұлттың бәсекеге қабілеттілігін арттыратын маңызды құралдардың бірі.
Осы бастамалар аясында нақты жоспарлар құрылып, олардың орындалуы қадағаланса, ұлттық мәдениетіміздің өркендеуіне зор үлес қосылады деп сенемін.

Қарабұтақ ауылдық клубының меңгерушісі Мөлдір Тәжібаева