ЕЛДІҢ БОЛАШАҒЫ БІРЛІКПЕН ҒАНА БАЯНДЫ БОЛМАҚ

Өз еліміздің экономикалық жағынан өркендеп,әлеуметтік-саяси дами түсуіне бағытталған бағдарламалар ел өміріне елеулі өзгерістер енгізері анық.
Мемлекет басшысы жыл сайынғы Жолдауында үкімет пен әкімдер,депутаттар алдына халықтың жағдайын жақсарту үшін түрлі салалар бойынша жүзеге асуы тиіс нақты міндеттерді атап көрсетіп,басым бағыттарды белгілеп беріп келеді.
2024 жылғы 2 қыркүйекте ҚР Парламенті палаталарының бірлескен отырысында Мемлекет басшысы Қасым-Жомарт Тоқаев «Әділетті Қазақстан: құқық тәртібі, экономикалық өрлеу, қоғамдық оптимизм» атты Қазақстан халқына Жолдауында көптеген мәселелер қамтылды.Енді бұрынғыдай сөзбұйдаға салынудың уақыты өткенін,енді тек барлық жұмыстың қатаң сұранысы барын айта келіп, елдің әлеуеті артуы үшін әлеуметтік- экономикалық жоспарларды дұрыс саралауды тапсырды.Бұл қоғам болып күресетін міндет.
Мемлекет басшысы болашақты бүгіннен бастап ойластыру қажеттігін атап өтті.
«Ел өміріндегі әрбір маңызды қадам жұртшылықпен бірлесіп жасалуға тиіс. Атом электр стансасы туралы референдумға қатысты да дәл солай болуы керек. Былтыр мен бұл мәселе бойынша өз пікірімді айттым, яғни, референдум тақырыбының қоғам талқысына түскеніне бір жыл болды. Бұл азаматтарымыздың жан-жақты ойланып, салмақты шешім қабылдауына жеткілікті мерзім деп ойлаймын. Сондықтан мен Үкіметтің ұсынысын қолдаймын» деген Президент сөзі уақыт ағынымен үндес.
Қазірдің өзінде энергия тапшылығы айқын сезілуде.Әсіресе,оңтүстік өңірде бұл аз проблема тудырып отырған жоқ.Келешекте энергия тапшылығы арта түсері анық.Бұл еліміздің басқа өңіріне де таралуы мүмкін.
Әрине,атом сынағының зардабын бір мемлекеттей көрген Қазақстанда бұл ұсыныстың елді екіұдай пікірге салуы әбден мүмкін.
Алайда,дамыған елдердің АЭС-тің бейбіт өмірде пайдасын көріп отырғанын ойға алуымыз керек.
Дерекөздердегі сала мамандарының мәліметіне сүйенсек,жалпы электр энергиясының 57%-ы
көмірден, 29%-ы табиғи газдан өндіріледі, ал
жаңартылатын энергия көздеріне небәрі 13% тиесілі екен.Ал,жер астынан алынған қазба отындардың экологиялық зияндылығы көпке мәлім.Ауаның ластануын қоспағанда,өндіріс орны маңайындағы тұрғындар арасында түрлі аурулардың дендеуі осыны көрсетеді.
Мұндай жағдай Қазақстан үшін энергияны
әртараптандыру мен экологиялық таза
технологияларға көшудің қажеттілігін айқын көрсетеді.
Мемлекет тарапынан адам өмірі мен оның денсаулығына баса назар аударылады.Сондықтан АЭС-тің құрылысы табиғатқа залалсыз және
жаңа тұрпатты технологиямен жүргізіліп,қауіпсіздіктің барлық мүмкіндігі басты назарда болары сөзсіз.
Энергетикалық тәуелсіздік дегеніміз-елде көптеген өндірістердің өзіндік құнынының арзандауына,олардың қалыпта жұмыс жасауына оң ықпал етпек.
Президентіміздің Жарлығымен 6-қазан-АЭС құрылысына қатысты қоғам пікірін айқындау үшін референдум өткізу күні болып белгіленді.
Қазірде арнайы штаб құрылып,ел арасында түсіндіру жұмысы жүргізілуде.
Елдің бірлігімен ғана болашақ нұрлы.Рефендум дегеніміз-елдің пікіріне құлақ түру,ұсыныстарын тыңдау,сол арқылы ортақ шешімге келу.
Болашақ Қазақстанның жасампаз халқы мен ұрпағының жайын бүгін ойласақ,АЭС құрылысының қажеттігін қолдап барша қазақстандықтар дауыс береді деген ойдамыз.
Жолдаудың әр тармағынан туындайтын міндеттерді жүзеге асыруға аудандық мәслихат депутаттар корпусы аудан көлемінде өз үлестерін қоса бермек.
Берік Сейілханов,
Әйтеке би аудандық мәслихат төрағасы