ЕЛГЕ ИНВЕСТИЦИЯ ТАРТАРДА ЕСКЕРЕР ЖӘЙТ

Мемлекет басшысы Қасым-Жомарт Кемелұлы Тоқаев бүгін Қазақстан халқына кезекті жолдауын жасады. Онда көтерілген өзекті мәселелер, алда тұрған маңызды міндеттер мемлекетіміздің тұрақты дамуына тірек болары сөзсіз. Оның ішінде инвестиция тарту Президент Жолдауында жан-жақты айтылды.
“-Елімізге қомақты инвестиция тарту керек.
Қазір дүние жүзінде инвестицияға талас
күшейіп барады. Жаңа инвестициялық
кезеңді бастауымыз қажет. Қазіргі
инвестиция тарту саясаты мардымды деп
айта алмаймын. Қаражаттың көбі шикізат
салаларына құйылып жатыр. Жалпы, бұл
жаман емес, осындай инвестициялар бізге
қажет,”-деген Қасым-Жомарт Кемелұлы бұл бағыттағы жетістіктермен қатар, кемшіліктерді де айтып өтті.
Шындығында, шикізат күйіндегі қазба байлықтарға салынған инвестиция оның иелеріне ғана тиімді. Егер, өнімді ұқсатуға салынса, еліміздің экономикалық өсуіне оң ықпал ете отырып, тұрақты жұмыс орны болар еді. Бұл әлі күнге ашық күйінде қалып отыр.
Инвесторлардың келуіне көбінесе қоғамдық тыңдаудың да кері әсері бар. Жалған патриоттар, жасанды елжандылар жұрт алдында бедел жинау үшін түсінбесе де, дау тудыруға құштар. Бұған қарапайым халықтың мәселенің мәніне бармай, еріп кететіні бар. Бұның өзі ықыласпен іс басталғаоы отырған инвесторлардың бетіне жел боп тиеді. Сондықтан осы жағына мән берілуі тиіс және өндіріске келуші компания тоқсан сайын жергілікті баспасөзде есеп беріп, экологияны сақтау, тұрғындарды жұмыспен қамту, ауданның әлеуметтік-экономикалық дамуына қандай шара алып жатқанын жариялап отырса құба-құп.
Олар өз мақсатын орындағасын сырттан адам тасу, ұлттық өзгешеліне қарай кадр жасақтау жағына монополия жасайды.
Міне, осы жағын реттеп отыру мезанизмі жасалмай, іс ілгері жүру қиын.

Аудандық маслихат депутаты Д.Қыдырбаева