Халықтың саяси және құқықтық мәдениетін жаңа деңгейге көтерген реформа
Халықтың саяси және құқықтық мәдениетін жаңа деңгейге көтерген реформа
2022 жылы орнаған саяси реформалар еліміздің саяси жүйесін айтарлықтай жаңартып, оның құрылымын жүйелі әрі тұрақты етуге мүмкіндік берді. “Күшті Президент – ықпалды Парламент – есеп беретін Үкімет” қағидаты билік тармақтары арасындағы қарым-қатынасты жаңа деңгейге көтеріп, олардың өзара тиімді байланысын қамтамасыз етуге бағытталған маңызды қадам болды. Президенттің жеті жылға бір рет сайлануы саяси жүйенің тұрақтылығын сақтауға және ұзақ мерзімді стратегияларды жүзеге асыруға мүмкіндік береді. Бұл реформаның ең маңызды тұсы — ел тарихында алғаш рет мұндай саяси өзгеріс енгізілгендігінде. Президенттің жақын туыстарына билік саласында қызмет атқаруға тыйым салынуы саяси жүйедегі отбасылық ықпалдың алдын алуға, сондай-ақ мемлекеттік басқаруды барынша ашық әрі әділ етуге жағдай жасады. Бұл реформалар халықтың саяси және құқықтық мәдениетін жаңа деңгейге көтеріп, билік пен халық арасындағы байланысты нығайтуға мүмкіндік берді. Әсіресе, елдегі саяси тұрақтылықты сақтау үшін мұндай шешімдер қажет болды, өйткені ол барлық саяси процестердің айқын әрі болжамды болуына ықпал етті. Бұл өзгерістер халықаралық қауымдастық тарапынан да оң бағаланып, Қазақстанның демократиялық дамуына жаңа серпін берді. Конституциялық инновациялар арқылы мемлекеттің билік құрылымындағы өзгерістердің саяси тәуелсіздікті сақтауға, басқару жүйесінің тиімділігін арттыруға бағытталғаны айқын. Бұл өзгерістер халықтың өз мемлекетіне деген сенімін арттырып, еліміздің болашақтағы саяси бағыт-бағдарын айқындайды. Елдегі саяси-құқықтық жүйенің дамуы халықтың белсенді қатысуын, оның әлеуметтік жауапкершілігін арттыруға бағытталған бұл реформалар еліміз үшін болашақта маңызды рөл атқарады.
Шаңғытбай Нұржан, «Атамекен» студенттер отрядының жастар ҚБ төрағасы
