Қазақстан Республикасындағы гендерлік саясаттың негізгі принциптері ерлер мен әйелдер үшін Қазақстан Республикасы Конституциясымен кепілдендірілген тең құқықты және бостандықты орнатады

Қазақстан Республикасындағы гендерлік саясаттың негізгі принциптері ерлер мен әйелдер үшін Қазақстан Республикасы Конституциясымен кепілдендірілген тең құқықты және бостандықты орнатады.Бұл баршаға белгілі. Осы орайда әйелдердің қоғамдағы ролін арттыру, қызмет таңдауда теңсіздікті жою, басшылық қызметте әйелдердің үлес салмағын көбейту бағытында ауданда біршама жұмыстар атқарылды.
Әйтеке би ауданы әкімі жанында жұмыс жасайтын әйелдер істері және отбасылық демографиялық саясат жөніндегі комиссиясы гендерлік қатыстылығына қарамастан, барлық азаматтардың құқықтарын сақтау, гендерлік теңсіздіктің түрлі көріністерін жою ісіне үнемі мән беріп келеді.
Ресми статистикалық деректер бойынша ауданда халық саны — 20771 адамның 10016-ы –әйел адамдар(48,2%) пайызды құрайды. Яғни, тұрғындардың тең жартысы деуге болады.
Ауданы бойынша тіркелген некемен салыстырғанда ажырасқандардың үлесін азайту, жас отбасыларды келеңсіз әрекеттерден сақтап қалу мақсатында аталмыш комиссия бар күшін жұмсап келеді. Бұрынғы уақытпен салыстырғанда ажырасушылар саны көп төмендеді.
Сонымен қатар, әйелдердің түрлі салада еңбек ету көрсеткіші жақсы деуге болады.
Аудан бойынша Кәсіпкер әйелдер -690.Сонымен бірге, «Еңбек» бағдарламасы арқылы жұмысқа орыналасқандар – 480 әйел болса, «Бизнес Бастау» бағдарламасы бойынша оқығандар – 160 әйел
«Бизнес» ашуға грант алғандар – 44 әйел
«Бизнестің жол картасы» бойынша қатысқан- 17 әйел
Яғни, кәсіпкерлікпен айналысып, өздерін жұмыспен қамтуда олар үлгі боп келеді. Және де аудан басшылығы тарапынан үнемі қолдау көрсетілді, көрсетіле бермек.
Әйелдер қауымы осылай қоғамда өз орнын берік қалыптастыруда.

Шолпан Мазбайқызы
Әйтеке би аудандық маслихатының депутаты