Қазақстанда ұялы байланыс рекорд деңгейде қымбаттады
Ақпанның аяғында Қазақстанда ұялы байланыс бір айда 6,2 пайызға қымбаттады. Бұл соңғы 13 жылдағы ең көп өсім, — деп хабарлайды Tengrinews.kz тілшісі.
Ақпанда Ұлттық статистика бюросының мәліметі бойынша, ұялы байланыс қызметтері бір айда 6,2 пайызға қымбаттады. Бірінші несие бюросы сарапшыларының айтуынша, бұл 2011 жылдың қаңтарынан бастап статистикада көрсетілген барлық кезеңдегі ең жоғары айлық көрсеткіш.
Жылдық негізде бағаның өсімі 12,4 пайыз болған, бұл да ең жоғары мән.
