Конституция – кез келген мемлекеттің ең басты заңы, елдің бағыт-бағдарын айқындайтын негізгі құжат.

Конституция – кез келген мемлекеттің ең басты заңы, елдің бағыт-бағдарын айқындайтын негізгі құжат. Сондықтан оның жаңа жобасы қоғамдағы өзгерістерге жауап беретін маңызды қадам деп есептеймін. Уақыт өткен сайын өмір де, талап та өзгереді, сол себепті заңдар да заман талабына сай жаңарып отырғаны дұрыс.
Жаңа жобада азаматтардың құқықтары мен бостандықтарын қорғауға баса мән беріліп отырғаны қуантады. Әсіресе әділдік, ашықтық, жауапкершілік сияқты құндылықтарды күшейтуге бағытталған тұстары халықтың сенімін арттыра түседі деп ойлаймын.
Ал референдум – халықтың өз пікірін ашық білдіретін маңызды тетік. Әр азаматтың дауыс беру арқылы ел болашағына үлес қосуы – шынайы демократияның көрінісі.

Аудандық ардагерлер кеңесінің мүшесі З.Бекетов