Құрылтай сайлауына – жан-жақты дайындық

Әйтеке би ауданында алдағы Құрылтай сайлауын ұйымдасқан түрде өткізуге бағытталған дайындық жұмыстары жүйелі жалғасуда. Аудандық аумақтық сайлау комиссиясы мен барлық учаскелік сайлау комиссиялары өз міндеттерін белгіленген талаптарға сәйкес орындап, сайлау үдерісінің қалыпты өтуіне қажетті жұмыстарды пысықтап жатыр.
Учаскелік сайлау комиссияларының төрағалары мен мүшелері сайлау рәсімдерін ұйымдастыру, сайлаушылардың дауыс беру тәртібі, комиссия мүшелерінің міндеттері мен сайлау кезінде сақталуға тиіс талаптар жөніндегі қажетті ақпаратпен қамтамасыз етілген. Сонымен қатар комиссия мүшелері сайлау заңнамасы мен ұйымдастыру мәселелеріне арналған семинарлар мен түсіндіру жұмыстарына қатысып, алған білімдерін тәжірибелік тұрғыда толықтыруда.
Сайлау науқаны барысында ақпараттың ашықтығы мен қолжетімділігіне де ерекше мән берілуде. Сайлаушыларға дауыс беру тәртібі, сайлау учаскесінде өз құқықтарын жүзеге асыру жолдары және сайлау үдерісіне қатысты өзге де маңызды мәліметтер аудандық баспасөз беттерінде және әлеуметтік желілерде тұрақты түрде түсіндіріліп келеді.
Бүгінде учаскелік сайлау комиссияларының жұмысы қалыпты жағдайда ұйымдастырылған. Комиссия мүшелері сайлаушылармен жұмыс істеу, қажетті түсіндірулер жүргізу және дауыс беру рәсімін белгіленген тәртіппен өткізуге дайын.
Аудандық аумақтық сайлау комиссиясы мен учаскелік сайлау комиссияларының үйлесімді жұмысы – сайлауды талапқа сай, ұйымдасқан және ашық өткізуге мүмкіндік беретін маңызды фактор. Осы бағыттағы дайындық жұмыстары алдағы күндері де жалғасып, сайлау үдерісінің барлық кезеңдерін сапалы ұйымдастыруға басымдық берілетін болады.