Мемлекет басшысы Қ. Тоқаев Ұлттық Құрылтайдың кезекті жиынының отырысы

Мемлекет басшысы Қ. Тоқаев Ұлттық Құрылтайдың кезекті жиынының отырысында «Ономастика мәселелерінде жергілікті атқарушы органдар көптеген қателіктер жіберді, оны «тарихи еңбегі» ешқандай архив құжаттарымен расталмаған тұлғаларды ұлықтау құралына айналдыруға болмайды»деген болатын.
Шындығында қолдан батыр жасау, еңбегі сіңбесе де, дүмді ұрпағының арқасында әкесі я анасының атына көше, мектепті атау салтқа айналды.Тіпті түрлі даулардың туындауына себеп болды. Кейде басқа ұлыстар тарапынан мәнсіз атауды қазақыландыруға қарсылық жиі байқалып келеді.
Ұлттық Құрылтайда бұл орайда Президент түйінді сөзін айтты.

Ұлыстардың орынсыз қарсылығы мен руаралық араздықты тудырмау үшін ауылдарда қоғамдық тыңдауды қойып, тарихи атауды қалпына келтіру немесе есімі елге таныс даңқты еңбек ардагерінің есімін ұлықтауды алдымен аудандық, сосын облыстық ономостикалық комиссияның қарауына қалдыру керек. Алдымен құжаттарды қарап, дәйектерді тексеру, маңыздылығы ескеру қажет.
Болмаса, мемлекет басшысы айтпақшы, көше, мектеп атауы елдік мүддеге еңбек еткендер емес, елеусіз, тек бір отбасының «ардақтысының» құрметіне өзгеріп кетуі мүмкін.
Сондықтан, сараптау-саралау алдыңғы орынға шығуы тиіс.Ал, қоғамдық пікірді туындату даулы жағдайға жеткізері анық.

Малдыбаева Күляш Зейнеткер, ұстаз