Мемлекет басшысы: Ұлы Жеңіс – тарихымыздың ажырамас бөлігі

Мемлекет басшысы: Ұлы Жеңіс – тарихымыздың ажырамас бөлігі
АСТАНА. KAZINFORM – Ұлы Жеңіс – тарихымыздың ажырамас бөлігі және күллі әлем үшін үлкен сабақ. Бұл туралы Мемлекет басшысы Қасым-Жомарт Тоқаев елордада өтіп жатқан Ұлы Жеңістің 80 жылдығына арналған әскери парадта айтты.
Бөлісу:

Фото: Ақорда
– Биыл Ұлы Жеңіске – 80 жыл! Баршаңызға Ұлы Жеңіс күні құтты болсын! Бұл мейрам – халқымыздың жауынгерлік рухының символы. Біз елдік үшін күрескен батыр бабаларды ұлықтаймыз. Отан қорғау жолында опат болған боздақтарға тағзым етеміз. Бейбіт күнді қырағы күзетіп тұрған сарбаздарға құрмет көрсетеміз. Ұлы Отан соғысы бүкіл адамзат үшін өте қиын сынақ болды. Оның зардабы көптеген елге ауыр тиді, солардың ішінде Қазақстан да бар. Қаһарлы күндер соғыстың тек қасірет әкелетінін көрсетті. Бейбітшіліктің баға жетпес байлық екенін ұғындырды. Ұлы Жеңіс – тарихымыздың ажырамас бөлігі және күллі әлем үшін үлкен сабақ. Біз осы ақиқатты әрдайым есте сақтауымыз керек, – деді Мемлекет басшысы.

https://kaz.inform.kz/news/prezident-uli-zhens-tarihimizdin-azhiramas-bolg-7a366e/