Музей- өткеннің қазынасы.

Музей- өткеннің қазынасы.

Мәдениет-адамзаттың ең басты күре тамыры демекші бұдан 10жыл бұрын Қазақ хандығының 550жылдығына орай Толыбай ауылында Әбілқайыр хан мемориалдық музейінің ашылуына Астана,Атырау,Орал,Қостанай,Шымкент,Қызылорда облыстарынан Қазақстанның мәдениеті мен өнер саласының мамандары,Әбілқайыр ханның ұрпақтары,тарихшы ғалымдар мен музей қызметкерлері барлығы 1600ге жуық адам қатысты.Хан моласындағы мемориалдық кешеннің ашылуында ҚР парламенті сенатының сенаторы Е.Н.Сағындықов,Қостанай облысының әкімі А.Б.Мұхаммедов сөз сөйлеп Әбілқайыр ханның тарихи тұлғасының халқымызға қайта оралуымен жұртшылықты қызу құттықтады.Және де ҚР Ұлттық музейінің директоры Д.Мыңбай,Хан моласын қорымын көп жылдардан бері зерттеген ғалым Р.А.Бекназаров,Ш.Уәлиханов атындағы тарих және этнология институтының этнография және антропология бөлімінің меңгерушісі,т.ғ.д. С.Әжіғалиев сөз сөйлеп Әбілқайыр хан тұлғасының зерттелуі,мемориалдық музейінің болашағы жөнінде өз ойларын ортаға салды.
Әбілқайыр хан музейі 1 тарихи залдан,келген қонақтар аялдауға ыңғайлы қонақ бөлмеден,жасақталған асхана мен ас ішетін бөлмеден түрлі мәдени іс-шараларды өткізетін мәжіліс залынан және жұмыс бөлмесінен тұрады.
Осы 10жыл ішінде музейге 12875 адам келді,ал Хан қорымына келушілердің қарасы оданда көп.Оның ішінде Германия,Венгрия,Россия,Қарақалпақстан,Әзербайжан т.б елдерден 1091 адам зиярат етті.
Музей қорына 2018жылы Ислам Қажы Мырзабекұлы «Әбілқайыр хан және Бопай ханым» атты кітабын Әбілқайыр ханның 325жылдығы турасында сыйға тартты.
2021жылы кәсіпкер Б.Ғ.Елеусізұлы мен О.Н.Серікбайұлы венгр ғалымдарының зерттеуі бойынша сүйектің антропологиясына сәйкес бас мүсінін жасатып музей қорын толықтырды.
2021жылы Хан қорымы басына үй құрылысы салынды.
2022жылы кәсіпкер Қожаев Зүлқожа Әбілқайыр ханның басына үлкен ас берді.Алматы,Маңғыстау,Ақтөбе,Қостанай т.б облыстардан қонақтар келді.Аста ақындар айтысы,гір көтеру,қазақша күрес,қол күрес,концерт болып келушілерге музейде бірнеше мәрте экскурсия жүргізілді.Музей қорына кәсіпкер З.Қожаев Бопай ханымның картинасын сыйға тартты.
2023жылы Әбілқайыр ханның 330жылдығына орай ас берілді.Ресейден Бопай ханымның топырағы әкеп қойылды.Сол жылы Әбілқайыр хан музейіне күрделі жөндеу жасалынды.
Музейдің негізгі жұмысы тарих арқылы тарихи-мәдени ескерткіштерді,тарихи оқиғаларды насихаттау,сол арқылы жас ұрпақты рухани адамгершілік пен патриоттық рухқа тәрбиелеу.
Амандық Сапаров,
Әбілхайыр хан музейінің басшысы.