Президентке сенімнің жоғары деңгейі мемлекет таңдаған бағыттың дұрыстығын көрсетеді

Қазақстанның стратегиялық зерттеулер институты ағымдағы жылдың 11 шілдесі мен 12 тамызы аралығында кең ауқымды сауалнама өткізді. Оған 17 облыс пен Астана, Алматы, Шымкент қалаларынан 18 жастан асқан 8000 адам қатысты.
Әлеуметтік зерттеу респонденттердің Президент институтына сенімінің зор екенін көрсетті: азаматтардың 82,4% Қасым-Жомарт Тоқаевқа үлкен қолдау білдіріп отыр. Қазақстандықтардың басым бөлігі Мемлекет басшысына сенім білдіріп отырғаны елдің даму жолының дұрыстығын айғақтайды. Президенттің бастамалары мен реформалары қоғамның сұранысына сәйкес келеді. Халықтың сенімін иелену – ең үлкен саяси капитал. Зерттеу нәтижесі көрсеткендей, ауыл халқының сенімі қала тұрғындарына қарағанда сәл жоғары (84,9% және 80,9%). Бұл ауыл аймақтарындағы әлеуметтік бағдарламалардың тиімді жүзеге асырылып жатқанын көрсетеді. Сондай-ақ, әртүрлі сала мамандары – білім, денсаулық сақтау, мемлекеттік қызмет, құқық қорғау органдары және ауыл шаруашылығы қызметкерлері – Президентке зор қолдау білдіруде. Мұндай кең көлемді сенім елдің дамуындағы саяси бағыттың тұрақты әрі халық үшін тиімді екенін айқындайды.

Үмбетхан Сәрсенбин, Қ.Жұбанов атындағы Ақтөбе өңірлік университетінің әлеуметтік-саяси пәндер кафедра меңгерушісі