Сарат ауылының тұрғындарымен есептік кездесу өтті

Әйтеке би аудандық мәслихатының депутаты, «AMANAT» партиясы Әйтеке би аудандық филиалы жанындағы депутаттық фракция мүшесі Естаев Жанболат Базарбекұлы Сарат ауылының тұрғындарымен есептік кездесу өткізді.

Кездесу барысында депутат ауданның әлеуметтік-экономикалық дамуы мен халықтың тұрмыс сапасын жақсартуға бағытталған атқарылған жұмыстар, жүзеге асырылған жобалар мен шаралар туралы тұрғындарды хабардар етті. Сонымен қатар ауыл тұрғындарын толғандырған өзекті мәселелер қаралып, оларды шешу жолдары талқыланды.

Кездесу соңында ауыл тұрғындары өз ұсыныстары мен өтініштерін айтып, көтерілген мәселелер бойынша тиісті түсіндіру жұмыстары жүргізілді. Бұл бағыттағы жұмыстар алдағы уақытта да жалғасын табатын болады.