“Шырша” жедел-профилактикалық іс-шарасы өткізілуде

Әйтеке би ст.КПб-нің қызмет атқару аймағында ағымдағы жылғы 15-31 желтоқсан аралығында ” Шырша” жедел-профилактикалық іс-шарасы өткізілуде.
Аталған шараға байланысты, Әйтеке би ст.КПб-нің қызмет ету аймағында вокзалдарда, станцияларда , жолаушылар поездарында орманды қорғау органдарымен бірлесіп, жаңа жыл қарсаңы кезінде балауса қылқан жапырақты ағаш түрлерін заңсыз шабуды, дайындауды, тасымалдауды және сатуды анықтауға және жолын кесуге бағытталған жұмыс жүргізіледі.
Қылқан жапырақты ағаштарды өткізуге рұқсаттың жоқтығы анықталған жағдайда сатушы ҚР ӘҚБтК-нің 386-бабы (Жасыл екпелерді күтіп-ұстау және қорғау қағидаларын бұзу) бойынша әкімшілік жауапкершілікке тартылады. Осындай жайттар орын алған кезде жеке тұлғаларға – отыз, шағын кәсіпкерлік субъектілеріне немесе коммерциялық емес ұйымдарға – алпыс , орта кәсіпкерлік субъектілеріне – жүз, ірі кәсіпкерлік субъектілеріне үш жүз айлық есептік көрсеткіш мөлшерінде ескерту беріледі немесе айыппұл салынады.
Орман екпелерін заңсыз кесу анықталған жағдайда Қазақстан Республикасының Қылмыстық кодексіне сәйкес кінәлі адамның мүлкі тәркіленіп, екі жылдан бес жылға дейінгі мерзімге бас бостандығынан айыруға жазалануы мүмкін.
Құрметті аудан тұрғындары! Егер, Сіз, осындай қылмыстар мен құқықбұзушылықтардың куәсі болған жағдайда тез арада «102» арнасы арқылы хабар беріңіз.

Әйтеке би ст.КПб