Тәртіп пен тәрбие
Screenshot
Ақтөбе жоғары политехникалық колледжінде «Заң мен тәртіп» қағидасы аясында құқықтық-тәрбиелік бағыттағы маңызды кездесу ұйымдастырылды. Іс-шараға колледждің 2-3 курс білім алушылары қатысты.
Кездесуге «Заң мен тәртіп» қағидасы аясында жұмыс жүргізіп жүрген инспектор Асқар Еламанұлы, облыстық қылмыстық-атқару жүйесі департаментінің әлеуметтік-психологиялық тәрбие жұмысы тобының бас маманы, әділет капитаны Абай Тұрымұлы және аталған департаменттің жеке құраммен жұмыс жөніндегі бөлімшесінің аға инспекторы, әділет капитаны Миргүл Алимбаева қатысты.
Кездесу барысында жастар арасында құқықбұзушылықтың алдын алу, заң талаптарын сақтау, қоғамдық тәртіп пен азаматтық жауапкершіліктің маңызы кеңінен түсіндірілді. Мамандар жастарға құқықтық сауаттылықтың қоғамдағы рөлі мен маңызын атап өтіп, өздерінің қызметтік тәжірибелерімен бөлісті.
Сонымен қатар мамандар құқықбұзушылықтың салдары, заңды сақтау мәдениеті және жастардың болашақтағы жауапкершілігі туралы жан-жақты ақпарат берді.
Іс-шара еркін пікір алмасу форматында өтіп, жастар көкейіндегі сұрақтарын қойып, тұшымды жауаптар алды.
Мұндай кездесулер жастардың құқықтық мәдениетін қалыптастыруға, заң мен тәртіпке құрметті арттыруға ықпал етеді.
Г.КЕТЕБАЕВА.
