Таза Қазақстан: ақтөбелік оқушылар мыңнан астам құс ұясын орнатты.
Таза Қазақстан: ақтөбелік оқушылар мыңнан астам құс ұясын орнатты.
Ақтөбеде «TazaLike» экологиялық акциясы аясында Халықаралық құстар күніне арналған экологиялық іс-шара ұйымдастырылды.Табиғатты қорғауға бағытталған игі бастамалардың бірі ретінде ерекше маңызға ие бұл шара барысында оқушылар құстарға арналған ұяларды дайындап, оларды ағаштарға орнатуға белсене атсалысты. Бұл қадам қалада және елді мекендерде құстардың популяциясын сақтау мен көбейтуге зор үлес қосып, олардың тіршілік етуіне қолайлы жағдай жасауға мүмкіндік беру мақсатында өткізілді. Сонымен қатар, оқушылар экологиялық мәдениеттің маңыздылығын түсініп, табиғатты аялау жауапкершілігін сезінді.
Бүгін Ақтөбе облысында 400-ден астам білім беру ұйымының оқушылары мен мұғалімдері аталмыш акцияға белсене қатысып, облыс аумағындағы мектептерде, саябақтар мен гүлзарларда 1000-нан астам құс ұясын орнатты. Осылайша олар құстардың экожүйедегі маңызы туралы теориялық білімдерін тереңдетіп қана қоймай, сонымен қатар нақты әрекеттер арқылы табиғатты қорғауға өз үлестерін қосты. Бұл бастама жас буынның экологиялық жауапкершілігін арттыруға және табиғатты аялау мәдениетін қалыптастыруға септігін тигізбек.
Құстарға қамқорлық жасау – қоршаған ортаны қорғаудың маңызды аспектілерінің бірі. Мұндай игі шаралар алдағы уақытта да жалғасын табады деп күтілуде.
#TazaLike #ТазаҚазақстан
