Туризмді дамыту үшін ең бірінші инфрақұрылымды дамыту маңызды

Туризмді дамыту үшін ең бірінші инфрақұрылымды дамыту маңызды

Туризмнің өркендеуі ел экономикасының дамуына ықпал етіп, әлеуметтік мәселелерді шешуге көмектеседі. Көптеген елдерде бұл сала жалпы ішкі өнімнің қалыптасуына, қосымша жұмыс орындарының ашылуына маңызды үлес қосуда. Соңғы жылдары туризм әлемдегі ең табысты және қарқынды дамып келе жатқан салалардың біріне айналды.
Қазақстан да туризмді дамытуға ерекше көңіл бөлуде. Біздің елімізде бұл бағытты ілгерілету үшін табиғи, мәдени және тарихи ресурстар жеткілікті. Кең байтақ жерімізде Бурабай, Шарын шатқалы, рухани астана — Түркістан қаласы, Каспий теңізі және басқа да көптеген киелі, көрікті мекендер бар.
Туризмді дамыту үшін ең алдымен инфрақұрылымды жақсарту маңызды, сондай-ақ, демалыс аймақтарында қонақ үйлер, қоғамдық тамақтану орындары, демалыс кешендері талапқа сай болуы тиіс.
Мен Қазақстанның болашағын турситік әлеуеті дамыған ел ретінде көремін.

Жадырасын Құспанұлы,
«Visit Aktobe» Туристік ақпараттық орталығы» КММ директорының орынбасары