Учаскелік сайлау комиссиялары жауапты науқанға дайын.
Алдын ала дайындалған барлық ұйымдастыру шаралары кезең-кезеңімен жүзеге асырылып, Әйтеке би ауданындағы учаскелік сайлау комиссиялары өз қызметіне толыққанды кірісті. Қазіргі таңда комиссия мүшелері алдағы саяси науқанды заң талаптарына сәйкес ашық әрі ұйымдасқан деңгейде өткізуге бағытталған кешенді жұмыстарды атқаруда.
Бүгінде барлық сайлау учаскелерінде ұйымдастыру жұмыстары жүйелі жүргізіліп жатыр. Комиссия мүшелері сайлаушылар тізімін нақтылау, учаскелердің әзірлігін пысықтау, қажетті материалдық-техникалық қамтамасыз ету мәселелерін үйлестіру жұмыстарымен айналысуда. Сонымен қатар әрбір сайлау учаскесінде азаматтардың еркін дауыс беруіне қолайлы жағдай жасалып, мүгедек жандардың кедергісіз қатысуына барлық мүмкіндік қарастырылған.
Сайлау комиссиялары мүшелерінің кәсіби біліктілігін арттыруға да баса назар аударылып отыр. Арнайы оқу семинарлары ұйымдастырылып, сайлау заңнамасының талаптары мен дауыс беру рәсімдерін өткізу тәртібі жан-жақты түсіндірілуде.
Осылайша, аудандағы барлық учаскелік сайлау комиссиялары өздеріне жүктелген міндеттерді жауапкершілікпен атқаруға кірісіп, алдағы маңызды саяси науқанды жоғары деңгейде өткізуді қамтамасыз ету бағытында үйлесімді жұмыс жүргізіп келеді.
