Ұлтаралық татулық пен берекелі бірлік

ҚР Президенті Қ. Тоқаев Қазақстан халықтары Ассамблеясының сессиясында еліміздегі ұлтаралық татулық пен берекелі бірліктің барлығы ұлтымыздың ұлағатты ұстынында жатқанына кеңінен тоқталды.
” Қазақ қашанда көршісін қадірлей білген. Қуанышта да, қиындықта да көршісіне сүйенген, көршінің қасынан табылған. “Көрші ақысы – тәңір хақысы” деген ұғым дінімізде және дәстүрімізде бар. Бұл – бізге атадан қалған өсиет, анадан берілген қасиет. Халқымыздың тату көршілік дәстүрі әлі де жалғасып келеді. Қоныстас адамдар ұлтына, дініне, тіліне қарамастан араласып, құраласып жатады. Қазақстан көрші мемлекеттермен достықты нығайта түсуге айрықша мән береді.”деді мемлекет басшысы.
Бағзы заманнан бері халқымызда көршісін ұлтына, дініне қарамай қадірлеу салты бар. Қонағын төбеге көтерген аталарымыз сыйластықты дәріптеген.
Ал сыйластық барда-татулық, ынтымақ бар.
Ассамблея жиынының өзегі осыған сабақтас.

Гүлжан Байтохина
Аудандық музей директоры